Младинската репрезентација на Македонија денес ќе го одигра првиот од двата планирани пријателски дуели со Турција.
Селекторот Раде Стојановиќ во Анкара ќе има можност да ја провери формата на сите повикани играчи. Поради повреда, оваа акција ќе ја пропуштат Славчо Шулески, Дамјан Субашевски и Антонио Николовски.
Во репрезентативниот табор се врати Димитар Узунчев, кој поради повреда го пропушти кадетскиот Мундијал во Хрватска.
Денешниот дуел со Турција ќе биде со почеток од 15:00 часот, додека вториот контролен дуел ќе се одигра на 5 ноември со почеток од 17:00 часот.
По контролните средби со Турција, младинците следниот месец ќе учествуваат на „Трофеј Карпати“ во Романија.