Митревски со блескава партија се збогува со Порто

Тимот на Спортинг Лисабон освои тројна круна во Португалија, откако славеше во финалето на Купот против Порто со 34-30.

Капитенот на Македонија, Никола Митревски, го одигра последниот натпревар за сега веќе поранешниот шампион Порто.

Тој беше најдобар на теренот и забележа 15 одбрани против Спортинг во финалето на Купот, но тоа беше премалку.

Митревски за новата сезона прави камбек во родната Битола и ќе го брани голот на Еурофарм Пелистер.

Со Порто, Митревски за четири сезони освои три шампионски титули, по еден трофеј во Купот и Супер Купот на Португалија.