Ракометарките на Металург Автокоманда во натпревар од 18. коло во Женската лига очекувано славеа против младиот тим на Скопје.
Избраничките на Јулијана Дамчевска на денешниот одигран дуел триумфираа со 38:29 (18:14) и го презедоа второто место на табелата.
Скопје пружи силен отпор во првите дваесетина минути, но понатаму работите започнаа да се движат во посакуваната насока на гостинскиот табор.
Незапирлива на теренот беше членката на Металург Автокоманда, Михаела Кралева, која зад своето име запиша десет погодоци.
Кај Скопје се истакна Стефани Ристиќ со седум погодоци, по шест запишаа Нина Неделковска, Јана Равојска и Росана Павлова.
ПОВРЗАНИ ВЕСТИ
