Машката кадетска репрезентација на Македонија славеше во првиот пријателски натпревар против Грција со 31-29.
Победата беше најавена уште по првиот дел кога македонските момци водеа со висока разлика, а вториот дел беше шанса да играат сите ракометари и за разни комбинации.
Ова беше првиот од двата меча што нашите кадети ќе ги одиграат во текот на подготовките за настапот на ЕП.
Вториот натпревар меѓу Македонија и Грција се игра во текот на утрешниот ден од 12:00 часот во СЦ „Јане Сандански“.
Момците на Горан Кузманоски ги чека тешка задача на континенталниот собир, бидејќи се во група со Шведска, Франција и Словенија.
