Црногорскиот селектор Владо Шола учествуваше на парламентарните избори во Хрватска, но не успеа да освои доволно број гласови за да обезбеди мандат во собранието.
Гласањето за 151 пратеник во собранието на Хрватска беше денес, а по првите проекции од излезните анкети, искусниот стратег е далеку од потребниот праг за да стане пратеник.
Шола беше носител на коалициската листа предводена од Социјалдемократи, ИДС, ПГС и Лабуристи.
Поранешниот голман на „коцкестите“ довербата на граѓаните во Хрватска ја бараше во втората изборна единица, која го опфаќа и источниот дел на градот Загреб.
По неуспешниот обид за да стане пратеник, легендарниот Шола наскоро им се враќа на репрезентативните обврски.
Црна Гора следниот месец ја очекува бараж двомечот против Италија за пласман на Светското првенство 2025.
ПОВРЗАНИ ВЕСТИ
