Македонскиот интернационалец Дејан Кукуловски продолжува со одличната форма во шампионатот на Чешка.
Кукуловски и екипата на Брно во натпревар од 14. коло гостуваа кај Дукла Прага и беа поразени со 35:26.
Екс ракометарот на Вардар и Еурофарм Пелистер беше меѓу најдобрите во својот тим, постигна пет погодоци и подели неколку асистенции кон своите колеги.
Брно се наоѓа на 6. позиција на табелата, има 26 бодови на свое конто, додека Дукла Прага со денешната победа го зголеми бодовното салдо и дојде до 27 бодови.
Екипата на Кукуловски во следното коло од најсилното натпреварување во Чешка на свој терен ќе го пречека Плзен, клуб во кој настапува репрезентативецот Никола Костески.
ПОВРЗАНИ ВЕСТИ
