Селекторот на Шпанија, Жорди Рибера, го објави конечниот список од 18 ракометари кои ќе бидат дел од Светското првенство 2025 година во Хрватска, Данска и Норвешка.
Во споредба со ЕП 2024, во ростерот има дури пет нови имиња, а четворица од нив се дел од младинската репрезентација – Петар Цикуша, Виктор Ромеро, Ѓорѓе Цикуша и Јан Баруфет.
Од првичниот список отпаднаа Феран Кастиљо, како и Алеиш Гомез, но Рибера повика дополнително само еден играч – десното крило Феран Соле.
На списокот на Рибера ги нема голманите Коралес и Биоска, а шпанскиот селектор реши партнер на Де Варгас да му биде Сергеј Хернандез. Ги нема пензионираниот Кањелас, потоа Македа кој заврши со националниот тим, а од поширокиот список ги нема Арињо, ветераните Робледо и Гвардиола…
За време на подготовките Шпанија ги победи Словачка, Аргентина и Норвешка, и го освои трофејот на домашниот турнир во Кастелон. Шпанија е во група со Шведска, Јапонија и Чиле на СП 2025.
