Европската ракометна федерација ги објави шеширите пред ждрепката за кадетското и младинското континентално првенство што на лето ќе се играат во Црна Гора.
Во кадетска конкуренција, Македонија ќе биде дел од третиот шешир, заедно со Швајцарија, Чешка, Србија, Шпанија и Австрија, па нема да игра против овие селекции.
Најпрво ќе се влечат селекциите од четвртиот шешир, па потоа од третиот, па од првиот. Домаќинот Црна Гора ќе ја одбере својата група, па потоа останатите пет селекции ќе ги добијат своите ривали.
Кај младинките, Македонија исто така се најде во третиот шешир, заедно со селекциите на Швајцарија, Португалија, Исланд, Шпанија и Австрија, па нема да игра против нив во прелиминарната рунда.
Принципот на влечење на шеширите е ист како и кај кадетките. Ждрепката ќе се одржи утре во Виена од 11:00 часот.
Европско првенство 2025, кадетки, Црна Гора:
шешир 1: Данска, Унгарија, Германија, Франција, Хрватска, Холандија
шешир 2: Норвешка, Шведска, Црна Гора, Романија, Исланд, Португалија
шешир 3: Швајцарија, Македонија, Чешка, Шпанија, Србија, Австрија
шешир 4: Словенија, Фарски Острови, Словачка, Полска, Литванија, Турција
Европско првенство 2025, младинки, Црна Гора:
шешир 1: Франција, Данска, Германија, Хрватска, Унгарија, Србија
шешир 2: Црна Гора, Холандија, Шведска, Норвешка, Романија, Чешка
шешир 3: Швајцарија, Португалија, Исланд, Македонија, Шпанија, Австрија
шешир 4: Словенија, Турција, Литванија, Финска, Полска, Фарски Острови
