Норвежанецот Кристијан Бјорнсен одлучи да стави крај на својата богата репрезентативна кариера и во иднина ќе биде посветен само на клупските настапи.
Актуелниот член на Алборг на натпреварот против Шведска го имаше последниот настап во дресот на светскиот вицепрвак од 2017 и 2019.
Норвешка ја победи Шведска во последното коло од главната фаза на Мундијалот, па така Бјорнсен со победа се прости од националниот дрес.
Иако неговата репрезентација не ја исполни зацртаната цел, односно не обезбеди ТОП 8, сепак, десното крило може да биде задоволно од својот настап.
Бјорнсен со Норвешка го освои сребрениот медал на Мундијалите во 2017 и 2019 година, како и бронзениот медал на Европското првенство во 2020.
На Светското првенство во 2017 со одличните партии си обезбеди место во ол-стар тимот и беше избран за најдобро десно крило на Мундијалот.
