Втора година по ред Европската ракометна федерација ги одликува најдобрите играчи во сезоната 2023/24 – а со тоа и легендите на овој спорт.
Воведувањето во Куќата на славните ќе се одржи на галата на EHF Excellence Awards 2024 на 14 декември, во пресрет на финалето на ЕХФ ЕУРО 2024 за жени и пред повеќе од 500 гости поканети да присуствуваат на настанот. Меѓу лауреатите е и Индира Кастратовиќ кој зад себе големи играчки резултати по кои ја препознава целиот свет како дел од репрезентацијата на Македонија и на Кометал ЃП, со една титула европски првак, две финалиња, најдобра стрелец на СП…
Од легендите кои сега се дел од „Куќата на славните“ се и Романката Луминица Дину, дел од шампионската генерацја на Кометал ЃП, како и Иван Чупиќ кој освои титули со Вардар во Лигата на шампионите.
Во Куќата на славните има 21 играч, седум жени и 14 мажи, и ќе бидат наградени за нивните извонредни достигнувања на и надвор од теренот и нивниот севкупен придонес во европскиот ракомет. Тие им се придружуваат на повеќе од 50 легенди кои беа први примени во „Куќата на славните“, наградени на инаугуративните награди за извонредност на ЕХФ во јуни 2023 година.
Меѓу лауреатите за 2024 година се и неодамна пензионираната француска легенда Никола Карабатиќ, Данецот Микел Хансен и Норвежанката Стине Офтедал Дамке, сите олимписки, светски и европски шампиони, како и голманските гиганти Матс Олсон и Луминита Хуцупан-Дину.
Список на женски и машки легенди кои ќе влезат во „Куќата на славните“
Голмани
• Андреас Тиел / Германија
• Матс Олсон / Шведска
• Дејан Периќ / Србија
• Луминица Хуцупан Дину / Романија
Лево крило
• Герго Иванчик / Унгарија
Леви бекови
• Никола Карабатиќ / Франција
• Микел Хансен / Данска
• Кармен Амариеи / Романија
• Ања Андерсен / Данска
Централни бекови
• Љубомир Врањеш / Шведска
• Енди Шмид / Швајцарија
• Миа Хермансон-Хогдал / Шведска
• Стине Офтедал Дамке / Норвешка
Десни бекови
• Фолкер Цербе / Германија
• Стафан Олсон / Шведска
• Индира Кастратовиќ / Македонија
• Марта Манге / Шпанија
Десни крила
• Лук Абало / Франција
• Иван Чупиќ / Хрватска
Пивотмени
• Игор Вори / Хрватска
Дефанзивци
• Виран Морос / Шпанија
Во „Куќата на славните“ веќе е Кирил Лазаров кој беше избран кога беше востановено ова признание, како првиот македонски играч што бил избран.
