Репрезентативецот на Тунис, Усами Хосни, добро познат на македонската ракометна јавност, повторно ќе настапува во македонската елита.
Според “Handball Basse”, десниот бек се враќа во Битола и треба да биде новото засилување во таборот на актуелниот шампион Еурофам Пелистер.
Искусниот ракометар минатата сезона го носеше зелениот дрес и беше меѓу најзаслужните што битолскиот тим по пауза од 18 години ја освои шампионската титула.
Во Лигата на Европа исто така имаше забележителни партии и настапот во второто по ранг европско натпреварување го заврши со 20 погодоци.
Откако си замина од Еурофарм Пелистер, Хосни се пресели во Азија и моментално е член на Ал Араби од Кувајт.
Еурофарм Пелистер за следната сезона ги ангажираше двајцата искусни голмани – Никола Митревки од Порто и Филип Ивиќ од Шамбери.
Битолчани се на добар пат да ја одбранат титулата во националниот шампионат, додека во финалето од Купот на Македонија беа поразени од вицепрвакот.
ПОВРЗАНИ ВЕСТИ
