Репрезентациите на Австрија и Холандија во рамки од последното коло од главната фаза на СП 2025 одиграа нерешено, 37:37, па така останаа теоретските шанси на Македонија за пласман во четвртфиналето. Во терминот од 18:00 часот ќе играат Катар и Унгарија, натпревар на кој исто така се очекува да има голема неизвесност.
Целиот натпревар мина во голема борба и бркотница на теренот, во првиот дел двете репрезентации се менуваа во водство, а по 30 минути игра резултатот беше 19:17 за „лалињата“.
Холанѓаните во вториот дел до 45-та минута постојано водеа со еден до два разлика, одбраните на двете репрезентации не беше на висина на задачата, па така имаше лесни погодоци.
Австрија во 48-та минута успеа да направи камбек, израмни на 28:28, а минута подоцна Белош погоди за 29:28. До крајот само нијанси одлучуваа каков ќе биде исходот од ефикасниот натпревар.
Откако беше 33:33, Холандија за момент ја презеде предноста, но до финишот се играше гол за гол, па така по 60 минути игра, двете репрезентации си ги поделија бодовите.
Швајцарија немаше проблеми против Италија, триумфираше со 33:25, а тоа значи дека избраниците на Шмид ќе обезбедат добар пласман на Мундијалот.
