Репрезентацијата на Холандија го освои трофејот на традиционалниот турнир „Yellow Cup“ во швајцарскиот град Винтертур.
Иако Холандија во последниот натпревар загуби од Швајцарија со 34:33, сепак, поради победите над Косово и Италија си заминува дома со трофеј.
Швајцарците кои настапија без најдобриот играч, средниот бек Мануел Зендер, кој поради повреда на коленото ќе оди на долга пауза, покажаа одлична игра.
Холандија е еден од ривалите на Македонија на Мундијалот, додека Швајцарија има тешка група, ќе игра против Германија, Чешка и Полска.
Италија со победата над Косово од 28:25 заврши како третопласирана на турнирот во Винтертур.
