Репрезентацијата на Франција со победата над Холандија од 35:28 обезбеди пласман во четвртфиналето на Светското првенство 2025 во Данска, Норвешка и Хрватска.
Франција одигра одлично во првото полувреме и на пауза замина со резултатска предност од 19:13. Веќе тука се виде дека избраниците на Олсон ќе имаат тежок предизвик во вториот дел.
Холанѓаните се обидуваат да се вратат во игра, се закануваа, намалуваа дел од негативата, но никако не можеа да се доближат, а „триколорите“ рутински одработија за нова победа.
Германија иако одигра слабо прво полувреме против Италија, сепак, со одличната игра во вторите 30 минути дојде до убедлива победа од 34:27 (15:13).
Ракометарите на Германија со денешната победа веќе си го заверија својот пласман во четвртфиналето на Мундијалот.
Чешка со победата над Тунис од 32:26 го зголеми бодовното салдо, сега има три бода, а тоа значи дека ќе биде во ТОП 20.
Избраниците на Сабате во последното коло од главната фаза ќе играат против Данска, додека Тунис за ривал ја има Германија.
