Денеска со натпреварот меѓу екипите на Струга и Вардар ќе започне новото, 11. коло во суперлигашкиот плеј-оф/аут.
Вардарци се големи фаворити во дуелот против последноплаираниот тим во плеј-офот, но младиот состав на Струга ќе се обиде да се претстави во добро светло.
Овие две екипи за првпат сезонава се сретнаа на 1 март, очекувано, „црвено-црните“ триумфираа со девет гола разлика, 29:20.
За ракометарите на Струга секој натпревар во суперлигашката конкуренција е искуство повеќе, бидејќи поголемиот дел од ракометарите се младинци и кадети.
Натпреварот меѓу Струга и Вардар ќе се одигра со почеток од 17:00 часот во салата „Тими“. Влезот за сите љубители е слободен.
Преостанатите натпревари од плеј-оф и плеј-аут фазата ќе бидат на утрешната програма.
*Во продолжение може да го погледнете целиот распоред за 11. коло од плеј-оф и плеј-аут фазата во елитата.
Супер лига, плеј-оф, распоред:
26/04, 17:00, Струга – Вардар
27/04, 17:15, Алкалоид – Охрид
27/04, 18:00, Тиквеш – Бутел
27/04, 19:00, Пролет – Еурофарм Пелистер
Супер лига, плеј-аут, распоред:
27/04, 18:00, Еурофарм Пелистер 2 – Мулти Есенс
27/04, 18:30, Вардар Неготино – Скопје
27/04, 19:00, Куманово – Голден Арт
Прилеп слоб.
ПОВРЗАНИ ВЕСТИ
