Денеска со натпреварот меѓу Охрид и Еурофарм Пелистер ќе биде комплетирано второто коло од плеј-оф фазата во суперлигашката конкуренција.
Денешното дерби ќе биде вистински празник за ракометот во Охрид и се очекува голема возбуда на теренот.
Во регуларниот дел од Супер лигата, Охрид двапати беше поразен од битолчани, а двата порази беа тесни: 25:22 во Битола и 25:27 пред својата публика.
На денешната програма ќе има уште два суперлигашки дуели – ќе играат тимовите на Кире Лазаров и Тиквеш, како и Борец ФЛ и Радовиш.
Борец ФЛ и Радовиш се борат за опстанок во суперлигашкото друштво, па така нивното трето сезонско соочување, прво во плеј-аут фазата, би требало повторно да биде интересно.
Кај дамите ќе има два дуели, додека во прволигашката конкуренција ќе продолжат натпреварите од првото коло на плеј-оф и плеј-аут фазата.
ДЕНЕСКА НА ТЕРЕНИТЕ:
15:00 ПЕЛИСТЕР – ШАМПИОН (ЖЕНСКА ЛИГА)
15:00 ДРАЧЕВО – ЕУРОФАРМ ПЕЛИСТЕР 2 (ПРВА ЛИГА)
17:00 АЛКАЛОИД – ТИКВЕШ (СУПЕР ЛИГА)
18:00 ОХРИД – ЕУРОФАРМ ПЕЛИСТЕР (СУПЕР ЛИГА)
18:00 ЧАИР – КУМАНОВО (ЖЕНСКА ЛИГА)
18:00 БОРЕЦ ФЛ – РАДОВИШ (СУПЕР ЛИГА)
18:30 ВАРДАР НЕГОТИНО – ЈЕХОНА (ПРВА ЛИГА)
19:00 МЛАДОСТ – МУЛТИ ЕСЕНС (ПРВА ЛИГА)
19:30 МАКЕДОНИЈА ЃП – МЕТАЛУРГ РА (ПРВА ЛИГА)
20:00 ОВЧЕ ПОЛЕ СУ – ЃОРЧЕ ПЕТРОВ 2 (ЖЕНСКА ЛИГА)
