Денеска во центарот на вниманието на македонската ракометна јавност ќе биде дерби дуелот меѓу Охрид и Еурофарм Пелистер од 10. коло во суперлигашкиот плеј-оф.
Токму од овој дуел ќе зависат многу работи, двете екипи си имаат свои математики, но битолчани со победа на денешниот дуел ќе бидат многу блиску до одбрана на титулата.
Охрид и Еурофарм Пелистер во досегашниот дел од тековната сезона одиграа два натпревари, еден во плеј-офот и еден во Купот, на кои поуспешни беа битолчани.
На првиот дуел одигран во Битола, охриѓани покажаа дека се доста незгоден ривал и до самиот финиш беа во игра за освојување на бодовите.
Натпреварот меѓу Охрид и Еурофарм Пелистер ќе се одигра во спортската сала „Билјанини Извори“ со почеток од 19:00 часот.
Интересен дуел се очекува и во скопската пресметка меѓу Бутел и Пролет, екипи кои се надвор од ТОП 5.
Избраниците на Горан Кузманоски ќе го пречекаат Пролет во спортската сала „Антон Димитров“, а почетокот на средбата е закажан за 18:00 часот
Во Женската лига ќе се одиграат два дуели, додека од 8. коло во прволигашкиот плеј-аут ќе има еден дуел на денешната програма.
Низ Европа ќе се игра во Бундес и Асобал лигата, потоа во Романија, Унгарија, Швајцарија, Франција, Црна Гора, Чешка…
ДЕНЕСКА НА ТЕРЕНИТЕ:
11:00 РАПИД – БИСТРИЦА (РОМАНИЈА)
12:00 АСТИБО – ПЕЛИСТЕР (МАКЕДОНИЈА)
12:30 НАВА – ЛА РИОХА (АСОБАЛ)
13:30 ГРАН – ЕЛЧЕ (ЕВРОПСКИ КУП)
14:00 ТЕКСТИЛЕЦ – КИЧЕВО (МАКЕДОНИЈА)
14:00 ЧСМ – БРАИЛА (РОМАНИЈА)
14:05 ФУКСЕ БЕРЛИН – КИЛ (БУНДЕС)
14:50 ПЛЗЕН – КОПРИВНИЦЕ (ЧЕШКА)
15:00 ХАМБУРГ – ГУМЕРЗБАХ (БУНДЕС)
16:00 ЛУЦЕРН – ЦИРИХ (ШВАЈЦАРИЈА)
16:00 ЃЕР – КИШВАРДА (УНГАРИЈА)
16:30 ЕРЛАНГЕН – ЛАЈПЦИГ (БУНДЕС)
17:00 МИХАЛОВЦЕ – БЕНФИКА (ЕВРОПСКИ КУП)
17:00 АДЕМАР – БИДАСОА (АСОБАЛ)
18:00 БУТЕЛ – ПРОЛЕТ (МАКЕДОНИЈА)
18:00 НИЦА – БРЕСТ БРЕТАЊ (ФРАНЦИЈА)
18:00 БЕРАНЕ – РУДАР (ЦРНА ГОРА)
18:30 АНАИТАСУНА – ВАЉАДОЛИД (АСОБАЛ)
19:00 ОХРИД – ЕУРОФАРМ ПЕЛИСТЕР (МАКЕДОНИЈА)
20:00 ОВЧЕ ПОЛЕ СУ – СПАРТАК (МАКЕДОНИЈА)
21:30 ВАЛУР – БАЈА МАРЕ (ЕВРОПСКИ КУП)
ПОВРЗАНИ ВЕСТИ
