Дебитантот се израдува на втор триумф во борбата за опстанок

Екипата на Мулти Есенс со триумфот над Еурофарм Пелистер 2 од 32:28 дојде до втора победа во борбата за опстанок. Новакот во македонската елита со денешните освоени бодови за момент ја презеде 4. позиција на табелата во плеј-аутот, додека младите пелистерци остануваат на девет бодови.

Гостите од Битола иако тргнаа добро, поведоа со 3:1 во воведните пет минути, сепак домаќините од 10 минута, па до крајот на полувремето имаа активен резултат и за нијанса беа подобри од гостинскиот тим.

Мулти Есенс во неколку наврати водеше со четири до пет гола разлика, но Еурофарм Пелистер 2 на крилата на црногорскиот интернационалец Печурица, кој имаше пет интервенции во финишот од првиот дел, успеа да ја намали негативата и на пауза замина со минус два, 17:15.

Домаќините по неколку минути игра во второто полувреме дојдоа до максималните плус пет од првиот дел победувајќи со 22:17. Еден од заслужните за одржувањето на предноста на домаќинот беше голманот Ерманоски. Во 38 минута дебитантот зголеми и на 23:17 и позитивата од шест гола предност беше доволна залиха за да обезбеди вториот триумф во плеј-аут фазата.

Најефикасни во победничката екипа со по седум погодоци беа Божидар Илиески и Михајло Костовски, шест додаде Михаил Иваноски. Во поразениот табор прво име беше Богдан Мијушковиќ со шест реализации.

ПозЕкипаНПРЛБ
1МРК КУМАНОВО13101232
2ПРИЛЕП1291230
3ЕУРОФАРМ ПЕЛИСТЕР 21290330
4ВАРДАР НЕГОТИНО1380524
5МУЛТИЕСЕНС1371523
6ГОЛДЕН АРТ1241716
7СКОПЈЕ 20201320116
8АЕРОДРОМ1400142