Актуелниот бранител на златото на СП, репрезентацијата на Данска, со победа ја заврши групната фаза, откако одигра доминантно против Италија, победи со 39:20
Избраниците на Николај Јакобсен победата си ја обезбедија уште во првиот дел, во кој „азурите“ речиси петнаесетина минути беа без реализација, па така Данска на полувреме замина со десет плус, 18:8.
Во второто полувреме составот на Јакобсен само го потврди квалитетот и одработи рутински, додека Италија одвреме-навреме го пронаоѓаше патот до мрежата на скандинавската селекција.
Катар со победата над Кувајт од 25:22 е последниот патник во главната фаза од групата Ц, а најдобрите три од оваа група вкрстуваат со трите од групата на Македонија, а тоа значи дека избраниците на Веселин Вујовиќ ќе играат против црвено-жолтите.
Освен Катар, во главната фаза од групата Ц одат Австрија и еден од главните фаворити за првото место – Франција, која ќе пренесе максимални четири бода.
Исланд и Шведска немаа никакви проблеми против Куба, односно Чиле. Ракометарите на Гудјонсон триумфираа со 40:19 , додека Швеѓаните со 42:30.
