Репрезентативецот на Данска, Матијас Гидсел, успеа да сруши 23-годишен рекорд во најсилната лига на светот – Бундес лигата.
Имено, членот на Фуксе Берлин се израмни со Кореецот Кјун Шин Јон по бројот на постигнати голови од игра во една сезона.
Данецот игра одлично во дресот на „лисиците“ и во досегашниот тек од сезоната во Бундес лигата стигна до бројката од 248 постигнати погодоци.
Толку голови имаше и легендарниот Кјун Шин Јон пред 23 години. До крајот од сезоната во Бундес лигата треба да се одиграат уште три кола.
Главен конкурент на Гидсел за првата позиција на листата на стрелци е репрезентативецот на Швајцарија, Мануел Зендер.
Левиот бек на Ајзенах на 31 меч успеа да постигне три гола помалку од Гидсел, односно 245.
ПОВРЗАНИ ВЕСТИ
