Селекторот на машката репрезентација на Словенија, Урош Зорман, го објави списокот за првите две средби од квалификациите за ЕП 2028.
Зорман смета на 23 ракометари, меѓу кои е средниот бек на Вардар, Јака Малус, кој одново се најде на репрезентативниот список на Словенија.
Покрај него Зорман смета на уште двајца ракометари од македонското првенство – десниот бек Нејц Цехте и пивотот Матиц Сухолежник.
Меѓу повиканите се стандардните Мачковшек, Кодрин, Хоржен, браќата Јанц, Новак, браќата Макуц, а ги нема Блаж Благотиншек, Клемен Ферлин, Урбан Лесјак, Ник Хенигман…
Словенија во ЕХФ неделата во ноември ќе одигра два меча – против Босна и Херцеговина на 4 ноември во Копер, а на 8 ноември против Израел во Целје.
