Данскиот шампион Алборг доби сериозен удар пред продолжението на сезоната, откако потврди дека норвешката ѕвезда Сандер Сагосен ќе биде надвор од терените на неопределено време.
Кај искусниот бек е констатирано повреда на карлицата, поради што ќе мора да паузира во наредниот период. Повредата ја заработил на натпреварот против Фредериција, кога Сагосен го доиграл мечот со намален интензитет и со болки.
По дополнителните лекарски прегледи било утврдено дека станува збор за повреда која ќе бара подолга пауза. Периодот на опоравување би можел да трае меѓу шест и 14 недели.
„Многу е фрустрирачки, бидејќи имав добар почеток и чувствував дека добро влегов во сезоната. Пред нас е долг и интензивен период и нормално е човек да сака да биде дел од тимот и да помогне“, изјави Сагосен.
Отсуството на Сагосен е сериозен удар за данскиот клуб, бидејќи тој е еден од лидерите на тимот и играч со огромно искуство.
Сагосен досега има 189 настапи и 792 голови за Алборг, а данскиот тим во продолжението од сезоната го очекува густ распоред со натпревари во домашното првенство, Купот и Лигата на шампионите.
Алборг во средата одигра драматичен натпревар со ПСЖ во Лигата на шампионите, кој заврши без победник, 33:33.
