Женската репрезентација на Македонија ќе биде дел од претстојното издание на Медитеранските игри што ќе се играат во италијанскиот град Таранто.
Со оглед на тоа што сега е подготвителен период, а клубовите немаат обврска да ги пуштат своите ракометарки за ова натпреварување, Македонија ќе настапи со комбиниран состав на кадетки и младинки предводени од Даниела Новеска.
Поради краткиот временски период за формирање на составот, селекцијата беше комплетирана во најбрз можен рок, со репрезентативки кои во овој период беа на располагање и слободни од клупските обврски.
Македонија ќе го започне својот настап на Медитеранските игри со дуелот против Грција на 22 август, а ќе игра уште против домаќинот Италија, Тунис и Алжир, а на 1 септември е дуелот за пласман.
Со оглед на лошиот термин на Медитеранските игри, ниту една од екс ју земјите немаат претставници на машкиот и женскиот турнир.
