На Светското првенство за кадетки во Романија беа одиграни натпреварите од второто коло, по кои веќе се познати 12 од 16 репрезентации што обезбедија место во главната рунда.

Најголемото изненадување го приреди Египет, кој ја совлада Франција со 29-24 и со максимални четири бода го обезбеди првото место во групата. Убедлива победа оствари и Хрватска, која го декласира Фиџи со 67-4, па вторник патник од оваа група за главната рунда покрај Египет, ќе го решат Франција и Хрватска во меѓусебен двобој.

Данска ја оправда фаворитската улога против Мексико (47-10), додека Јужна Кореја во неизвесен натпревар ја совлада Чешка со 24-23.

Германија и Шпанија со нови убедливи победи над Гвинеја (36-21) и Узбекистан (46-22) обезбедија пласман понатаму, исто како и Црна Гора, која ја совлада Португалија со 31-28.

Без проблеми до нови триумфи стигнаа и Унгарија, Шведска, Кина, Романија, Словачка, Јапонија и Швајцарија, додека Словенија убедливо ја совлада Србија со 26-14.

По две одиграни кола, пласман во главната рунда обезбедија репрезентациите на Египет, Данска, Германија, Шпанија, Црна Гора, Унгарија, Шведска, Кина, Романија, Словачка, Јапонија и Швајцарија, додека последните четири учесници ќе бидат познати по одигрувањето на третото коло.

СП кадетки, 2 коло, резултати:

Група А
Франција – Египет 24-29
Хрватска – Фиџи 67-4

Група Б
Чешка – Јужна Кореја 23-24
Данска – Мексико 47-10

Група Ц
Узбекистан – Шпанија 22-46
Германија – Гвинеја 36-21

Група Д
Аргентина – Холандија 21-30
Португалија – Црна Гора 28-31

Група Е
Канада – Унгарија 15-53
Шведска – Тунис 33-19

Група Ф
Романија – Казахстан 37-13
Уругвај – Кина 22-34

Група Г
Јапонија – Бразил 31-27
Ангола – Словачка 11-33

Група Х
Србија – Словенија 14-26
Алжир – Швајцарија 14-28

Средниот бек Петар Цветковски својата кариера би требало да ја продолжи во амбициозниот прволигаш Илинден, кој од оваа сезона ќе има екипа во сениорска конкуренција.

Според информациите на 24Ракомет, клубот кој го промовираше стручниот штаб (тренер – Дарко Јанев, асистент – Дејан Пецаковски), активно работи на играчкиот кадар.

Цветковски потекнува од Илинден, но се афирмираше во редовите на Бутел Скопје, со кој освојуваше титули во младинските категории.

Организитарот на играта во 2022 година го доби признанието за најкорисен играч (МВП) на Ф4 турнирот во кадетска конкуренција. Освен за Бутел Скопје, Цветковски играше за Радовиш и за Тиквеш во Супер лигата.

За услугите на младиот плејмејкер заинтересирани се повеќе македонски суперлигаши и прволигаши, но се чини дека Цветковски го избра новиот клуб.

Женскиот клуб Пелистер ќе биде посилен во новата сезона со ангажманот на една од најталентираните млади ракометарки во Македонија – Еџе Сејадин.

Талентираната ракометарка зад себе има одлична сезона, во која беше најдобар стрелец во кадетската лига со 86 постигнати погодоци.

Покрај тоа, во Првата лига заврши како втор стрелец со 164 гола, веднаш зад Анастасија Сентовска.

Сејадин минатото лето од Ресен се пресели во Стружанка, каде што со одличните настапи го привлече вниманието на повеќе клубови, а кариерата ќе ја продолжи во Битола.

Со трансферот во Пелистер, младата ракометарка ќе добие можност да настапува во македонската Супер лига и да ги покаже своите квалитети против најдобрите екипи во државата.

Битолскиот клуб со овој потег продолжува да инвестира во млади и перспективни ракометарки, со цел да изгради конкурентен тим за новата сезона.

Еурофарм Пелистер 2 продолжува со создавање тим што треба да биде спој на младост, квалитет и играчи со сериозен простор за развој. Ново име во составот на битолчани треба да биде средниот бек – младинскиот репрезентативец на Македонија, Марин Крстевски, 19-годишен организатор на играта, кој Автокоманда ќе ја замени со Битола.

Тој беше еден од најдобрите ракометари на „витамините“, кои се пласираа минатата сезона од прволигашката конкуренција во елитата, но реши да ја промени средината, дознава 24Ракомет.

Крстевски потекнува од составот на Аеродром, може да ги покрие сите бековски позиции, а во последните неколку години настапуваше за двата тима од Автокоманда, со кои освои многу индивидуални награди на завршните турнири во младинските категории. Во колекцијата покрај индивидуалните признанија, има и шампионски титули во пионерска, кадетска и младинска конкуренција.

Тој е поранешен кадетски и актуелен младински репрезентативец на Македонија. Зад себе веќе има настапи на две големи натпреварувања – кадетското ЕП 2024 во Црна Гора и младинското ЕП 2026 во Романија. Повеќепати на тие натпревари беше избран за МВП.

Битолчани ова лето веќе донесоа неколку нови имиња, а во тимот се и Кристијан Симоноски, Божидар Илиески, Марко Трајков, Давид Димевски и Александар Стојков, а предводник на клубот ќе биде Бранислав Ангеловски, тренер кој веќе покажал дека знае да работи со млад тим, да го развие и истовремено да донесе резултат.

_________________________________________________________________________________________
▶▶▶  Добивај директно РАКОМЕТНИ ВЕСТИ вести на твојот мобилен телефон, приклучи се на Viber групата на семејството на 24Ракомет. Со еден клик до сите вести.
_____________________________________________________________________________________________________ 

Српскиот шампион Партизан ќе биде без едно од своите најголеми засилувања на почетокот од новата сезона, откако левиот бек Милош Кос заработи повреда за време на подготвителниот период.

Според информациите од клубот, Кос се здобил со скршеница на третата метакарпална коска на десната рака, поради што ќе мора да паузира меѓу шест и осум недели.

Ова е нов малер за 23-годишниот ракометар, кој и во изминатите сезони имаше сериозни проблеми со повредите. Минатата сезона одигра мал број натпревари за германски Ерланген, бидејќи седум месеци беше надвор од терените, а поради проблеми со зглобот го пропушти и Европското првенство.

Повредата на Кос претставува сериозен удар за Партизан, каде што тој требаше да биде еден од главните адути на бековската линија во новата сезона.