Францускиот ракометар Арно Бинго, кој минатото лето замина од Автокоманда, ќе го продолжи својот престој на Кипар.
Искусното лево крило потпиша нов договор со кипарскиот шампион Анортозис Фамагуста и повторно ќе настапува во ЕХФ Европскиот Куп.
Претходно тој играше за француските клубови Вилербан, Трембле и Монпелје, а потоа ги бранеше и боите на португалските гиганти Спортинг и Бенфика.
Некогашниот француски репрезентативец беше меѓу најдобрите во тимот на Анортозис минатата сезона и натаму ќе биде дел од овој клуб.
