Ракометарите на Охрид денеска ќе го играат првиот полуфинален натпревар од ЕХФ Европскиот Куп против некогашниот европски првак Целје.
Во „Арена Златорог“, која ќе биде исполнета до последното место, избраниците на Борис Ројевиќ ќе се обидат да ја продолжат победничката серија на меѓународна сцена, каде се единствена екипа покрај Кил, која нема пораз досега.
Охриѓани се соочуваат со големи проблеми со повредени играчи, но и оние што ќе му бидат на располагање на тренерот Ројевиќ, сигурно ќе го дадат максимумот за позитивен резултат пред реваншот идната сабота.
„Гладијаторите“ и досега испишаа историја со пласманот во ТОП 4, но кога веќе се на дофат до финалето, сигурно ќе бараат место во битката за трофејот. Натпреварот меѓу Целје и Охрид се игра вечерва од 18:00 часот во „Арена Златорог“.
Ќе се игра и на македонските терени во сите конкуренции во суперлигашките и прволигашките друштва.
Шампионот Еурофарм Пелистер со Алексо Лембанов на клупата ќе го пречека кавадаречки Тиквеш, додека во плеј-аутот Струга ќе игра дома со Куманово. Интересно се очекува да биде и на средбата меѓу Пролет и Еурофарм Пелистер 2.
Во прволигашката конкуренција, лидерот Младост Богданци гостува кај Драчево Јуниор.
ДЕНЕСКА НА ТЕРЕНИТЕ:
13:00 ЧАИР – ПЕЛИСТЕР (МАКЕДОНИЈА)
13:00 КУМАНОВО – ЃОРЧЕ ПЕТРОВ (МАКЕДОНИЈА)
14:30 ДЕСПИНА – ШАМПИОН (МАКЕДОНИЈА)
16:00 ТЕКСТИЛЕЦ – ЈЕХОНА (МАКЕДОНИЈА)
17:00 ПРИЛЕП – РАДОВИШ (МАКЕДОНИЈА)
17:00 ДРАЧЕВО ЈУНИОР – МЛАДОСТ БОГДАНЦИ (МАКЕДОНИЈА)
18:00 СТРУГА – КУМАНОВО (МАКЕДОНИЈА)
18:00 ЦЕЛЈЕ – ОХРИД (ЕХФ ЕВРОПСКИ КУП)
18:00 ЕУРОФАРМ ПЕЛИСТЕР – ТИКВЕШ (МАКЕДОНИЈА)
18:30 ПРОЛЕТ – ЕУРОФАРМ ПЕЛИСТЕР 2 (МАКЕДОНИЈА)
19:00 ПРЕСПА – МАКЕДОНИЈА ЃОРЧЕ ПЕТРОВ (МАКЕДОНИЈА)
20:00 АЕРОДРОМ – ОВЧЕ ПОЛЕ (МАКЕДОНИЈА)
