Националната банка на Грузија издаде колекционерска сребрена монета со номинална вредност од една лара (20 денари), посветена на учеството на машката репрезентација на Европското првенство 2026 година, како и на 70-годишнината од основањето на Грузиската ракометна федерација.
Како што соопштија од банката, оваа монета е симбол на растот и успехот на грузискиот ракомет, кој во последните години бележи значаен напредок на меѓународната сцена.
Машката репрезентација на Грузија ќе настапи на Европското првенство по вторпат во својата историја и тоа во две последователни изданија. Дебито го имаа на ЕП 2024, каде за првпат успеаја да се квалификуваат на континенталниот шампионат.
Дизајнот на монетата, наречена „Ракомет 2026“, е изработен од страна на Грузиската ракометна федерација во соработка со Националната банка. Финалната верзија е доработена од експерти, а самото ковање на монетите е реализирано во Казахстан со користење на специјални, ексклузивни технологии.
Со ова издание, Грузија не само што го одбележува спортскиот успех, туку и испраќа силна порака за значењето на ракометот во националната спортска култура.
