Тимот на Локомотива Загреб, каде што игра македонската репрезентативка Андреа Седлоска, запиша триумф на стартот на 2026 година.
Локомотива Загреб славеше на гостински терен кај Бјеловар со 37-24, а на полувремето гостинските водеа со 19-16.
Седлоска беше меѓу најдобрите ракометарки во победничкиот тим и успеа да постигне четири гола од четири обиди во противничката мрежа.
Локомотива Загреб сега има десет победи на десет меча и 20 бодови, пред Подравка на табелата која има 18 бодови, но и меч помалку.
