Тимот на Јехона славеше лесна победа против екипата на Шампион со убедливи 37-28 во натпревар од 12 коло во прволигашката конкуренција.
Нерешено беше само на стартот, 1-1, а потоа се беше во знакот на домашните ракометари во салата „Младост“ во Гостивар.
На паузата Јехона водеше со десет гола, 18-8, а во второто полувреме шанса за настап добија сите ракометари што им беа на располагање на двајцата тренери.
Искусниот Адис Салиу беше најдобар стрелец во победничкиот тим со девет гола, а шест даде Ерлис Селмани, додека кај Шампион се истакнаа Давид Јовчевски со десет и Ненад Богоевски со девет гола.
Со овие бодови Јехона се искачи на делба на петтото место со Македонија Ѓорче Петров со по 12 бода, додека Шампион е претпоследен со два бода.
Во следното коло Јехона му гостува на Аеродром, додека тимот на Шампион ќе го пречека штипски Текстилец.
