Европската ракометна федерација ги делегираше официјалните лица за натпреварите од 7 коло во Лигата на шампионите.
Македонскиот првак Еурофарм Пелистер го пречекува ПИК Сегед во значаен натпревар, а ЕХФ делегираше норвешки судии за „мечот на неделата“.
Станува збор за искусните Ларс Јорум и Хавард Клевен, додека делегат ќе биде Јован Попадиќ од Србија.
Натпреварот меѓу Еурофарм Пелистер и ПИК Сегед ќе се игра на 12 ноември од 20:45 часот во салата „Боро Чурлевски“.
