Кадетките на Вардар ја започнаа одбраната на шампионската титула во голем стил. Во рамки на првото коло од новата сезона, „црвено-црните“ гостуваа кај Гевгелија Југ и остварија убедлива победа со резултат 35-11.
Триумфот беше обезбеден уште по првиот дел, откако избраничките на Даниела Новеска поведоа со 14-4, а до паузата и со 19-6.
Во вториот дел немаше дилеми околу победникот и разликата во корист на вардарки само се зголемуваше. Пет гола за Вардар даде Атанасовска, а по четири пати погодија Ристовска, Милошевска, Николовска и Стојанова. Во составот на Гевгелија Југ, пет пати во листата на стрелци се запиша Анастасија Горковска.
Вториот натпревар од 1 коло го добија службено ракометарките на Овче Поле СУ со 10-0, откако тимот на Стружанка допатува во Свети Николе со 11 ракометарки, што е спротивно на минимумот од 12 во составот.
Кадетки, 1 коло, резултати:
Гевгелија Југ – Вардар 11-35
Овче Поле СУ – Стружанка 10-0 сл.
