Тимот на Нант ја оствари првата победа во новата сезона од Лигата на шампионите, откако го совлада норвешкиот првак Колстад со 15 голови разлика, 39-24.
Најголемата заслуга за убедливиот триумф оди на адреса на шпанскиот чувар на мрежата, Игнасио Биоска, кој успеа да запре дури 19 удари на норвешкиот тим.
По првиот дел беше 21-13 и оттогаш стана јасно дека ова ќе биде игра на „мачка и глушец“ до крајот на натпреварот.
Најдобар стрелец кај победникот беше Мин со осум гола, а Турна даде шест, додека кај Колстад, Сондеа постигна четири погодоци, а Јепсон погоди само еднаш од 12 обиди!
