Денеска со натпреварот меѓу српскиот Бор и црногорскиот првак Будуќност, ќе стартува последниот ден на регионалниот турнир во Скопје.
Од 15:00 часот ќе се игра овој дуел, двете екипи имаат по две победи над Ѓорче Петров и Металург Автокоманда, па меѓусебе ќе одлучат кој ќе го освои трофејот.
Некогашниот европски првак од Подгорица е голем фаворит, иако Бор покажа дека не е екипа за потценување, иако дојде во Скопје со 14 ракометарки.
Од 19:00 часот ќе се игра македонското дерби меѓу големите ривали Ѓорче Петров и Металург Автокоманда.
Двата тима имаат променети ростери во однос на минатата сезона, па ќе биде интересно да се види односот на силите пред стартот на новата Супер лига.
Регионален турнир Скопје, распоред на натпревари:
15:00 Будуќност – Бор
19:00 Ѓорче Петров – Металург Автокоманда
