Ракометарите на Еурофарм Пелистер ја запишаа втората победа на регионалниот турнир во Скопје, откако славеа над Ловќен со 37-27.
По израмнетиот старт до 7-7, битолчани ја преземаа контролата на теренот и почнаа да ја градат предноста. На паузата беше 16-13.
Bторото полувреме мина во комплетна доминација на пелистерци и на крајот момците на Гарабаја рутински ја завршија работата.
Најдобри стрелци во победничкиот тим беа Алем Хаџиќ со седум, односно Богдан Радивојевиќ и Мирче Калајџиески со по пет гола.
Во вториот натпревар од денешната програма, екипата на Вардар ќе се соочи со српскиот вицепрвак Војводина.
Ако слават вардарци, победникот на турнирот ќе го решат на меѓусебен дуел со битолчани утре од 21:00 часот.
