Хрватскиот лев бек Анте Иванковиќ од лето ќе ги замени најсилната лига во светот, Бундес лигата и дресот на Штутгарт, со оној на Охрид, кој гради амбициозен проект.
Иванковиќ по потпишувањето на договорот ги сподели импресиите и очекувањата од новиот предизвик во кариерата.
„Бев многу импресиониран од луѓето во клубот кои имаа голема желба следната сезона да направат голем проект, со големи амбиции. Тоа многу ми се допадна, тука го гледам својот напредок во понатамошната кариера и размислувам само позитивно, ништо повеќе од тоа. Македонската лига е многу квалитетна, со четири директни конкуренти за шампионската титула. Динамична, одлична за публиката, така да, имам само добро мислење“, изјави Иванковиќ.
Покрај Иванковиќ, Охрид ги донесе тренерот Борис Ројевиќ, како и бековите Тилен Стрмљан и Предраг Вејин, а допрва ќе промовира уште неколку засилувања
ОФИЦИЈАЛНО: Охрид со добредојде за бундеслигашкото засилување – потпиша Иванковиќ
