Македонската репрезентативка Јована Кипријановска игра во одлична форма во францускиот шампионат.
Таа беше меѓу најзаслужните за победата на нејзиниот Самбр Авенуа на гостувањето кај Сен Аман со 28-21.
Десниот бек успеа да постигне пет погодоци во мрежата на домаќинките од пет обиди, а од нив два беа од пенал.
Самбр Авенуа сега има 24 бодови и се наоѓа на осмата позиција на табелата во францускиот шампионат, а следен предизвик за Кипријановска и нејзиниот тим ќе биде дуелот со вицепрвакот Брест Бретањ.
