Францускиот репрезентативец Кентан Мае се врати на терените по кратката пауза и ќе биде подготовен за настап на СП 2025.
Тој ја повреди раката во ноември, му се предвидуваше пауза од три месеци, но тој заигра порано од предвиденото за неговиот клуб Гумерсбах и постигна два гола на мечот со Фуксе Берлин.
Селекторот на Франција, Гијом Жил, го стави Мае на списокот, а сега има една главоболка помалку пред Мундијалот. Искусниот среден бек ќе биде во комбинација за настап со Ремили и Мин на плејмејкерската позиција.
На списокот на Жил се и повредените Пранди, Мем, Деска, Лен…па и некој од нив би можел да биде подготвен за настап.
Франција е во група со Катар, Австрија и Кувајт, а најдобрите три од оваа репрезентација ќе вкрстат со најдобрите три од групата на Македонија, во која се уште и Холандија, Унгарија и Гвинеја.
