Екипата на Еурофарм Пелистер во натпревар од 7. коло од Лигата на шампионите конечно дојде до прв триумф, откако славеше на гостувањето во Данска кај Фредериција со 25:23.
Најзаслужен за освоената победа на пелистерци во Оденсе беше Никола Митревски, кој натпреварот го заврши со 15 интервенции.
,,Честитки до соиграчите и до сите во клубот за победата. Во првото полувреме во нападот не бевме на потребното ниво, но одигравме добро во одбраната, бевме борбени, имавме добри моменти и транзиција. Во вториот дел продолживме да играме добро во одбраната и го подобривме нивото на игра во двата правци“, изјави Митревски.
По ЕХФ неделата Еурофарм Пелистер повторно ќе се соочи со Фредериција, но на свој терен. Второто соочување меѓу двата тима е закажано за 20 ноември во Битола.
Шундовски: Горд сум на тимот, важна и историска победа за нас
📸 Победничка порака на пелистерци – за нас, за Битола, за нашата Македонија!
Митревски царуваше на голот, Еурофарм Пелистер со прв триумф во ЛШ!
ПОВРЗАНИ ВЕСТИ
