Денеска во Каиро стартува Светското клупско првенство, кое претходно го носеше името Супер Глоуб, но сега ќе го има првото ребрендирано издание. Македонски претставници ќе бидат најдобрите судии, Славе Николов и Ѓорѓи Начевски.
Денеска на терен ќе бидат екипите што не се од европскиот континент со оглед на тоа што Магдебург, Веспрем и Барселона играа во Лигата на шампионите во средата, па тие утре ќе почнат со настапот во Египет.
Трите европски екипи се фаворити за место во полуфиналето, а четвртиот полуфиналист ќе се бара меѓу египетските екипи, Ал Ахли и Замалек, или Ал Калеј од Саудиска Арабија.
Три тима го освоија клупскиот мундијал двапати по ред, и тоа Сиудад Реал, Барселона двапати и Фуксе Берлин, а Барселона и Магдебург ја освоија титулата трипати во низа.
Додека Барселона доминираше во конкуренцијата помеѓу 2017 и 2019 година, Магдебург ги освои претходните три изданија, двапати победувајќи ја Барселона во финалето, во 2021 и во 2022 година.
Германскиот тим сега има шанса да стане првиот тим во историјата што четири пати по ред ја освоил титулата на Светското клупско првенство.
Светско клупско првенство, распоред:
14:00 Ал Калеј – Калифорнија Иглс
17:30 Сиднеј Универзитет – Ал Ахли
20:00 Таубате – Замалек
ПОВРЗАНИ ВЕСТИ
