Словенецот Марко Безјак ќе мора да почека со камбекот на ракометните терени и настапите за бундеслигашот Ерланген.

Покрај суспензијата од Хрватскиот Ракометен Сојуз до април 2025 година, сега на таа суспензија се придружи и Европскта Ракометна федерација.

Тоа значи дека Марко Безјак нема право да настапува ниту на клупско, ниту на репрезентативно ниво до април 2025 година бидејќи сега суспензијата не важи само за Хрватска.

Безјак лани летоска се врати на Балканот, потпиша за Нексе, но на еден дуел против Загреб, словенечкиот среден бек по мешаницата на теренот, го оттурна делегатот, ХРС видоа намера во тој обид и го суспендираа на една година.

ХРС донесе одлука: Брутална казна за Безјак, суспензии и за Вујовиќ, Велкаврх…

По неуспешната авантура во Нексе: Марко Безјак се врати во Бундес лигата

Извршниот Комитет на Европската ракометна федерација ги потврди апликациите за организација на машките и женските сениорски Европски првенство во 2030 и 2032 година.

Иако по објавувањето на повикот за пријава за домаќинство, имаше голем интерес од страна на повеќе федерации, ЕХФ во јуни потврди по две кандидатури кај мажите и по една кај жените, а по извршената инспекција кај евентуалните домаќини, беа отфрлени уште две.

За машкото ЕП 2030 во конкуренција се Хрватска, како и заедничката кандидатура на Чешка, Полска и Данска.

За следното ЕП две години подоцна, покрај поединечната кандидатура на Хрватска, заинтересирани се уште и Германија и Франција со заедничка, додека отфрлена е онаа на Турција.

Кај мажите е скоро јасно дека Хрватите ќе добијат за организација едно од двете за кои се имаат пријавено.

За женското ЕП 2030 година кандидатура имаше само Турција, но таа не е прифатена, па ЕХФ ќе има уште еден повик за евентуален домаќин или домаќини на овој собир. За континенталниот шампионат во 2032 година заедничка кандидатура пријавија Германија, Данска и Полска, и јасно е дека тие ќе го добијат домаќинството.

Домаќините на ЕП 2030 и 2032 ќе бидат потврдени во декември за време на финалниот викенд од женското ЕП 2024.

Европско првенство, 2030 и 2032 година:

ЕП 2030 мажи, 10 јануари – 27 јануари
ЕП 2030 жени, 28 ноември – 15 декември
ЕП 2032 мажи, 15 јануари – 1 февруари
ЕП 2032 жени, 2 декември – 19 декември

Од 2024 до 2032 година – еве каде ќе се играат ЕП, СП и ОИ во следните осум години

Женската сениорска репрезентација на Македонија вчера го имаше првиот собир во рамките на ЕХФ неделата во која ќе бидат одиграни две средби со еден од домаќините на ЕП, Австрија.

Селекторот Кристијан Грчевски вели дека контролните дуели со Австрија треба да дадат јасна слика за моменталната сила на македонската репрезентација, а го радува фактот што поголемиот број репрезентативки играат во силни првенства.

,,Во оваа ЕХФ недела влегуваме во еден техничко-тактички дел од подготовките за Европското првенство. Двомечот со Австрија ќе биде слика за тоа до каде се девојките во оваа фаза. Голем дел од нив променија клубови летово и мислам дека се на едно ниво погоре на почетокот на сезонава, што е добар знак за репрезентацијата. Австрија треба да биде показател за тоа до каде сме и да ни даде насоки за тоа што и како да работиме во продолжение и што треба да смениме за следната ЕХФ недела”, вели Грчевски.

Бидејќи неколку ракометарки пријавија проблем со повреди, македонскиот стратег се надева дека 80 посто од ростерот ќе го има на располагање за контролите со австриската репрезентација.

,,Најважна ќе биде одбраната, дел од играчите ќе добијат некои индивидуални задачи кои треба да покажат дали може да ги исполнат. Некои девојки пријавија проблеми со повреди, но нема никој дополнително да повикам, имаме доволен број на девојки на списокот. Ќе добијат шанса помладите. Се надевам дека не станува збор за посериозни повреди и дека следната ЕХФ недела ќе бидат во добра форма. Не зафати и некој вирус, но јас се надевам дека барем 80 посто од екипата ќе ја имам на располагање во Австрија и ќе се покажеме во добро светло. Резултатот, секако, не е во приоритет меѓутоа мора да го имам барем поголемиот дел од ростерот за да пробаме и да видиме што навистина можеме“, заврши Грчевски.

Првата средба ќе се игра в сабота од 17:00 часот, додека вториот дуел меѓу Македонија и Австрија е на програмата в недела на 29 септември од 15:45 часот.

Македонија во рамките на ЕХФ неделата во октомври, ќе биде дел од „Трофеј Карпати“ во Романија од 25 до 27 октомври.

Ракометната федерација на Малта на гала свеченост ги прогласи најдобрите ракометари и ракометарки за минатата сезона.

Двете македонски интернационалки Драгица Митрова и Бети Петковска беа дел од идеалниот тим во женска конкуренција.

Поранешната репрезентативка Митрова, беше прогласена за најдобар среден бек и за најкорисна ракометарка на првенството за минатата сезона, односно МВП.

Таа е членка на тимот на Феникс, кој направи историски резултат и успеа да мине едно коло во Европскиот Куп.

Петковска, која е членка на Ла Сал, беше избрана од федерацијата на Малта за најдобар кружен напаѓач.

Тимот на Металург РА го промовираше новиот тренер за новата сезона во прволигашката конкуренција.

Станува збор за Мартин Бурчевски, кој ќе работи заедно со Горан Печенковски во стручниот штаб на тимот од Автокоманда.

„Бурчевски е млад тренер кој веднаш воспостави одличен однос со екипата и ќе биде поддршка во тренажниот процес на Печенковски и Кузмановска, а воедно ќе стекне искуство за понатамошни тренерски предизвици“, се вели во објавата.

Металург РА ја стартуваше новата сезона со убедлива победа на гостувањето кај Астраион во Струмица со 29-14.

Во второто коло од прволигаката конкуренција, тимот на Металург РА ќе го пречека составот на Јехона од Гостивар.