Тимот на Драчево пред стартот на новата сезона во прволигашкото друштво доби уште едно ново име.
Четврто засилување за составот на Велимир Настески е Кристијан Ташевски, кој настапува на пивотменската позиција.
Ташевски, кој е поранешен македонски репрезентативец во младинските категории, има меѓународно искуство во белгискиот Атомикс, а во Македонија настапуваше за Работнички, Металург РА и Аеродром.
Претходно Драчево се засили со десното крило Виктор Ангелевски, голманот Никола Стојкоски и кружниот напаѓач Стефан Лазаревски.
Драчево во новата сезона ќе биде дел од групата Б и ќе игра против Вардар Неготино, Скопје, Младост Богданци, Македонија Ѓорче Петров, Шампион, Партизан Гевгелија, Текстилец и Преспа Вардар.
Стартот на прволигашката конкуренција е планиран за претстојниот викенд, а Драчево ќе се сретне со Преспа Вардар во Ресен.
ПОВРЗАНИ ВЕСТИ
