Матијас Гидсел влезе во историјата на ракометот на ЛОИ откако по вторпат ја освои наградата за МВП играч. Истата награда ја освои и на претходните ЛОИ во Токио. Тој е и најдобар стрелец, со 62 гола што е нов олимписки рекорд. Рекордот порано го имаше неговиот колега Микел Хансен (61 гол)
Гидсел, кој е играч на годината според ИХФ за 2023 година, одигра три натпревари каде постигна двоцифрен број голови, вклучително и 13 гола против Аргентина, а исто така реализираше 74% од неговите удари. Исто така Гидсел беше МВП и на Светското првенство за мажи во 2023 година.
Четири земји – полуфиналистите – се претставени во Ол-стар тимот, со четири олимписки шампиони кои се наоѓаат во рангирањето. Во Олстар тимот се вклучени и тројца соиграчи на Гидсел, олимписки шампиони во Париз 2024 година. Никлас Ландин Јакобсен, кој ќе се повлече од меѓународниот ракомет по оваа Олимпијада, кој беше избран за голман на Ол-стар, вторпат во Ол-стар тимот на натпреварувањето, по Рио 2016 година, кога и Данска беше крунисана за шампион.
Во Ол-стар тимот се и пикерот Лукас Јоргенсен и левиот бек Сајмон Питлик, третиот најдобар стрелец на Олимпијадата.
Двајца играчи на Германија – десниот бек Ренарс Усчинс и централниот бек Јури Кнор – исто така беа избрани во Ол-стар тимот, при што нивниот тим победи на шест натпревари и загуби само двапати.
Крилата дојдоа од тимовите кои настапија во натпреварот за бронзениот медал. Словенецот Блаж Јанц беше прогласен за десно крило на Ол-стар, додека Шпанецот Даниел Фернандез, дебитант на Олимписките игри, беше избран за лево крило на Ол-стар.
Париз 2024 – Ол Стар тим (мажи)
Голман: Никлас Ландин Јакобсен (Данска)
Десно крило: Блаж Јанц (Словенија)
Десен бек: Ренарс Усчинс (Германија)
Централен бек: Јури Кнор (Германија)
Лев бек: Симон Питлик (Данска)
Лево крило: Даниел Фернандез (Шпанија)
Пивотмен: Лукас Јоргенсен (Данска)
МВП: Матијас Гидсел (Данска)
Најдобар стрелец: Матијас Гидсел (62 гола)
ПОВРЗАНИ ВЕСТИ
