Македонскиот шампион Еурофарм Пелистер по триумфот на Вардар го очекува нов тежок натпревар, но овојпат во Лигата на шампионите.
Во Битола ќе гостува францускиот првак ПСЖ, кој е предводен од некогашниот стратег на Вардар, Раул Гонзалес.
Во тимот на ПСЖ што ќе допатува во Битола, би требало да бидат и тројцата европски шампиони – Никола и Лука Карабатиќ, како и Елохим Пранди. Тие со Франција го освоија златото на Европското првенство во Германија по триумфот на Данска.
Битолчани немаат шанси за прогрес во осминафиналето, а ПСЖ се бори за повисоко место и избегнување на елиминациите.
Натпреварот меѓу Еурофарм Пелистер и ПСЖ ќе се игра на 14 февруари во „Боро Чурлевски“ со почеток во 18:45 часот.
ПОВРЗАНИ ВЕСТИ
