На денешната ракометна програма на домашна сцена ќе продолжат натпреварите од 13. коло во Супер лигата. Интересно се очекува да биде во Битола на натпреварот меѓу Еурофарм Пелистер 2 и Струга.
Вториот тим на македонскиот шампион мора да победи на овој дуел за да остане во игра за плеј-оф, додека стружани со евентуална победа ќе ја обезбедат 4. позиција на табелата и во вториот дел од сезоната ќе играат во плеј-оф фазата.
Еурофарм Пелистер во претпоследното коло за ривал го има Пролет и против составот на Александар Јовиќ ќе атакува на 12-ти сезонски триумф. Oва ќе биде прв меч на екс стратегот на битолчани против „своите“.
Екипата на Охрид, која е во трка за второто место во групата А, ќе игра против дебитантот Аеродром. На ракометарите на Дарко Петровски, исто така неопходна им е победа за задржување на шансите за плеј-офот.
Во Скопје ќе се одиграат два суперлигашки натпревари. Бутел Скопје на свој терен ќе го пречека незгодниот Вардар Неготино, додека Голден Арт ќе биде домаќин на Прилеп.
Освен во суперлигашката конкуренција, на денешната програма ќе има неколку дуели од Првата лига, како и два дуели во единственото женско сениорско натпреварување во нашата држава.
На Светското првенство во женска конкуренција ќе продолжат натпреварите од второто коло.
ДЕНЕСКА НА ТЕРЕНИТЕ:
13:00 ГЕВГЕЛИЈА – ЃОРЧЕ ПЕТРОВ (МАКЕДОНИЈА)
14:00 АЕРОДРОМ – ОХРИД (МАКЕДОНИЈА)
14:00 КРАСНОДАР – РОСТОВ (РУСИЈА)
14:45 ДИЖОН – НАНТ (ФРАНЦИЈА)
15:00 АСТРАИОН – ЈЕХОНА (МАКЕДОНИЈА)
15:30 КУМАНОВО – СКОПЈЕ (МАКЕДОНИЈА)
15:30 ЧЕШКА – АРГЕНТИНА (СП)
15:30 СЛОВЕНИЈА – АНГОЛА (СП)
16:00 КОНСТАНЦА – БУЗАУ (РОМАНИЈА)
16:30 ЕУРОФАРМ ПЕЛИСТЕР 2 – СТРУГА (МАКЕДОНИЈА)
17:00 ПРЕСПА ВАРДАР – БОРЕЦ (МАКЕДОНИЈА)
18:00 АЛБОРГ – МОРС (ДАНСКА)
18:00 БРНО – ВОГОШЧА (ЕВРОПСКИ КУП)
18:00 МЛАДОСТ – ШАМПИОН (МАКЕДОНИЈА)
18:00 ИРАН – ГЕРМАНИЈА (СП)
18:00 ИСЛАНД – ФРАНЦИЈА (СП)
18:00 КОНГО – ХОЛАНДИЈА (СП)
18:00 ПАРАГВАЈ – ЦРНА ГОРА (СП)
18:00 БУТЕЛ – ВАРДАР НЕГОТИНО (МАКЕДОНИЈА)
19:00 ЕУРОФАРМ ПЕЛИСТЕР – ПРОЛЕТ (МАКЕДОНИЈА)
19:00 ГОЛДЕН АРТ – ПРИЛЕП (МАКЕДОНИЈА)
20:00 ШТУТГАРТ – ХАНОВЕР (БУНДЕС)
20:30 ХАМБУРГ – РАЈН НЕКАР (БУНДЕС)
20:30 ЕКС АН ПРОВАНС – ШАМБЕРИ (ФРАНЦИЈА)
20:30 УНГАРИЈА – КАМЕРУН (СП)
20:30 ПОЛСКА – ЈАПОНИЈА (СП)
