Поранешниот тренер на Вардар и селектор на Македонија, Драган Ѓукиќ, повеќе не е предводник на машката сениорска репрезентација на Израел.
Двете страни одлучија спогодбено да ја прекинат соработката и секој да си продолжи по својот пат.
Ѓукиќ кормилото на Израел го презеде во месец септември минатата година и успеа да ја трансформира репрезентацијата, која има добар потенцијал.
Искусниот тренер од Србија го водеше Израел и во периодот од 2012 до 2015 година, а беше предводник и на Црна Гора, Велика Британија, Јордан и Швајцарија.
Освен во национални селекции работеше и во многу клубови меѓу кои Вардар, Татабања, Мадеира, ПИК Сегед, ЧСМ Букурешт, Макаби Тел Авив, Одорхеи…
Ракометната федерација на Израел одлучи на местото на Ѓукиќ да биде домашниот стратег Саар Френкел.
ПОВРЗАНИ ВЕСТИ
