Вардар мораше добро да се испоти за победа во Битола против Еурофарм Пелистер 2

Вардар победи во Битола кај Еурофарм Пелистер со 22-19 (10-9), и ако не сте го гледале натпреварот ќе помислите дека „црвено-црните“ рутински ги освоија бодовите. Но, напротив во Битола се водеше борба, а младите домашни ракометари покажаа дека имаат тим што во иднина сигурно ќе води главен збор во ракометното првенство.

На Вардар му требаа повеќе од 40 минути за да може да направи предност која ќе им донесе мирна завршница, но дури и во последните две минути имаше незивесност иако гостите водеа со 22-19. Еурофарм Пелистер одигра машки, борбено и крајно мотивирано против фаворитот. Можеше да биде уште поинтресно ако Белистојановски го реализираше пеналот во претпоследната минута. Но, она што го покажа битолчани, а играа без неколку играчи поради повреда им дава за право да веруваат во седе уште повеќе и да се надеваат на уште подобри резултати.

Уште почетокот на првото полувреме најави интересен меч. Благојче Трајковски со осум одбранети топки беше еден од главните мотори на Еурофарм Пелистер 2 во првото полувреме од средбата. Неговиот колега на спротивната страна Мартин Томовски одбрани двојно помалку топки (четири).

Битолските ракометари покажаа дека знаат како да се справат со актуелниот првак кој во есенскиот дел од сезоната тука беше поразен. Малиот број на постигнати голови се должи на добрата одбрана на домашните која успеа да го сопре гостинот. Вардар најчесто имаше напад кој завршуваше со подигната рака на судиите за пасивна игра што кажуваше дека немаат идеја како да ја пробијат одбраната.

Се до 15 минута пелистерци имаа водство, иако претходно Вардар успеа да израмни. Но, потоа за две минути гостите првпат направија предност од „плус 2“ за прво водство на црвено-црните од 7-5. Не успеа Вардар да избега на „плус 3“, а Еурофарм Пелистер во последната минута намали на 10-9 најавувајќи, неизвесни нови 30 минути.

Тренерот на Вардар реши во второто полувреме да тргне со друга напаѓачка постава па на паркетот влегоа и Оливие Њокас, Жереми Тото, Дарко Ѓуќиќ и Анте Гаџа. Но, голманот Благојче Трајковски остана енигма за вардарци и првите три напади завршија во неговите раце, а Еурофарм Пелистер брзо израмни на 10-10, а во 36 минута и водеше со 11-10. На скопскиот тим му требаа дури шест минути за првпат да погоди во второто полувреме, преку Гоце Георгиевски.

Лошиот период на Вардар заврши па скопјани врзаа три гола по ред да направат пресврт и од негатива од 11-12 да дојдат до водство од 14-12 во 41 минута. Шест минути подоцна Вардар првпат поведе со три гола предност за 16-13, а во следниот напад и за „плус 4“ и водство од 18-14. Вардар не дозволи изненадување, па полека и сигурно до крајот си ја задржа предноста.

Голманот Благојче Трајковски мечот го заврши со 13 одбранеи топки, но „само пет“ во второто полувреме. Неговиот колега Мартин Томовски имаше осум одбранети топки на мечот. Во следното коло во Битола се игра „братското дерби“ меѓу екипите на Еурофарм Пелистер и Еурофарм Пелистер 2. Вардар треба да биде домаќин на Бутел.

ЕУРОФАРМ ПЕЛИСТЕР 2ВАРДАР 1961 2 април 2022 19 - 22 Крај

Детали

Датум	Време	Лига	Сезона	Крај
2 април 2022	19:34	ПЛЕЈ ОФ СУПЕРЛИГА	2021/2022	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР 2	9	19	Пораз
ВАРДАР 1961	10	22	Победа

ЕУРОФАРМ ПЕЛИСТЕР 2

#	Играч	Позиција	Исклучување	Голови
1	Бобан Ристевски	голман	0	0
7	Андре Буторац	десен бек	0	0
10	Христијан Митревски	десен бек	1	0
12	Христијан Јовановски	голман	0	0
13	Павле Петровиќ	десен бек	1	4
16	Благојче Трајкоски	голман	0	0
22	Иван Димитровски	лево крило	1	1
23	Стефан Талевски	централен бек	0	2
24	Никола Стоилевски	десно крило	0	0
33	Петар Атанасијевиќ	лево крило	0	1
34	Емилијан Ѓорговски	лев бек	1	5
44	Ненад Белистојановски	-	0	6
59	Трајче Мицевски	-	0	0
66	Милан Ѓукиќ	десно крило	0	0
84	Мартин Табаковски	-	0	0
	Вкупно		4	19

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
6	Оливие Њокас	лев бек	0	0
7	Патрик Валчак	пивот	0	1
8	Јоел Куни Моралес	десен бек	1	4
9	Гоце Георгиевски	десно крило	1	7
11	Мартин Карапалевски	централен бек	0	0
12	Мартин Томовски	голман	0	0
21	Давид Савревски	десен бек	0	2
22	Жереми Тото	пивот	2	2
24	Анте Гаџа	централен бек	1	1
28	Филип Талески	лев бек	2	2
31	Тимур Дибиров	лево крило	0	3
44	Стефан Додиќ	централен бек	0	0
45	Дарко Ѓукиќ	десно крило	0	0
92	Костадин Петров	пивот	0	0
97	Марко Мишевски	лев бек	1	0
	Вкупно		8	22

Officials

Судии:	Делегат:
КОЛЕВСКИ ЃОКО КРКАЧЕВ САШО	НАУМОВСКИ РУСЕ