Селекторот на Норвешка Кристијан Берге објави дека заминува од селекторската позиција каде што помина цели осум години.
Берге имаше желба да се врати на клупскиот ракомет, а од норвешката федерација останаа на ставот дека не сакаат нивниот селектор да има и други обврски.
Порталот „tv2.no“ потврдува дека Берге кариерата ја продолжува во Колштад. Според нивните информации клубот на Ракометната Федерација на Норвешка ќе и плати 150.000 евра за да го ослободи Берге од договорот.
„Има договор меѓу ракометната федерација и Клоштад за купување на Берге. Неговиот договор со репрезентацијата важеше до 2025 година. Со крајниот исход мислам дека се задоволни сите страни. Верувам дека ова е одлука која ќе биде од корист на норвешкиот ракомет, Берге и Клоштад“, изјави претседателот на федерација, Коре Геир.
Дека Берге може да го предводи Клоштад се најавуваше уште од почетокот на октомври, но тогаш националната федерација не сакаше да го ослоби Берге.
ПОВРЗАНИ ВЕСТИ
