Екипата на Келце имаше фантастично издание во 6. коло од Лигата на шампионите и славеше убедлива победа на домашен терен против шампионот на Франција и еден од главните кандидати за освојување на натпреварувањето ПСЖ со 38:33.
Келце одигра одлично и ефикасно прво полувреме, после почетното минимално водство на ПСЖ до крај на првите 30 минути Келце доминираше. Од 5:5 домашниот тим направи серија од четири гола за прво повисоко водство.
Во завршницата од првиот дел избраниците на Талант Душебаев имаа и шест гола позитива и беа многу блиску натпреварот да го решат многу рано. На полувреме Келце замина со предност од 19:14.
Вториот дел не донесе промени во развојот на настаните на теренот, домаќините целосно доминираа и без проблеми одржуваа водство. Во 43. минута Келце го имаше и највисокото водство од седум гола кога беше 28:21. Во финишот ПСЖ успеа само да го ублажи поразот но немаше никакви шанси да избегне пораз.
Најефикасни во составот на Келце беа Симон Сичко и Дилан Нахи со по шест гола, Алекс Душебаев постигна пет погодоци, а Игор Карачиќ три. Во составот на ПСЖ Микел Хансен со осум гола беше прв стрелец, додека Елохим Пранди погоди шестпати.
ПОВРЗАНИ ВЕСТИ
