Три европски селекции се на списокот на нови противници на репрезентацијата на Македонија на Светското првенство во Египет, првиот ривал веќе в среда е селекцијата на Словенија.
Саатниците не се одредени уште и тоа се очекува до крајот на денот или утре во претпладневните часови, но веќе се знае каков ќе биде возниот ред за групата 4 која е прва што е формирана од групите за втората фаза.
Македонија в среда игра против селекцијата на Словенија, в петок дуелот е против Русија, а в недела ривал ќе биде Белорусија. Со оглед на тоа што во четврт-финалето одат само првите две селекции мисијата е многу тешка, но важно е да се одигра добро.
Од групата Г каде што беше Македонија пласман обезбедија и Шведска и Египет, додека Русија, Словенија и Белорусија играа во Групата Х.
На новата табела лидер е Шведска со четири поени, три има Русија, по два бода имаат Египет и Словенија, Белорусија има еден поен, а Македонија е без бодови.
СВЕТСКО ПРВЕНСТВО – ВТОРА ФАЗА
РАСПОРЕД ЗА ГРУПА 4
1.КОЛО (20 ЈАНУАРИ)
МАКЕДОНИЈА – СЛОВЕНИЈА
РУСИЈА – ЕГИПЕТ
ШВЕДСКА – БЕЛОРУСИЈА
2.КОЛО (22 ЈАНУАРИ)
МАКЕДОНИЈА – РУСИЈА
ЕГИПЕТ – БЕЛОРУСИЈА
СЛОВЕНИЈА – ШВЕДСКА
3.КОЛО (24 ЈАНУАРИ)
МАКЕДОНИЈА – БЕЛОРУСИЈА
СЛОВЕНИЈА – ЕГИПЕТ
РУСИЈА – ШВЕДСКА
ПОВРЗАНИ ВЕСТИ
