Ракометарките на Ѓорче Петров прославија убедлив триумф на гостински терен кај Вардар и се рехабилитираа по елиминацијата од Лигата на Европа.
Шампионот победи со 18 погодоци разлика на гостински терен кај „црвено-црните“, 47-29, а победникот беше решен уште по првиот дел.
Тогаш избраничките на Славиша Димитријески водеа со 19-11 и најавија дека второто полувреме ќе биде само формално одработување на задачата.
Предводнички во победата на Ѓорче Петров беа крилата Емилијана Ризоска и Ана Вранчиќ со по осум погодоци, додека кај Вардар по пет гола имаа Јована Павичевиќ и Дона Тодоровска.
Во следното коло Ѓорче Петров го чека сестрински двобој, додека Вардар ќе игра против Атлетик на гостински терен.
